Добивајте ги фактурите по електронски пат
Наместо хартиена фактура, побарајте вашата месечна фактура да ви се доставува директно на е-пошта. Еве како.
Одржување на згради
Како да пријавите проблем во заедничките простории
Изгорена сијалица, дефект на лифт или проблем со влезната врата? Еве како најбрзо да го пријавите проблемот.
Проблемите во заедничките простории — ходниците, скалиштата, влезот, лифтот или подрумот — се одговорност на управителот. Колку побрзо ги дознаеме, толку побрзо можеме да реагираме.
Пријава по телефон
За пријава на проблеми во заедничките простории јавете се на 02 / 6147-900.
Пријава по е-пошта или преку формуларот
Можете да ни пишете на stanbenupravitel@gmail.com или да го користите формуларот за контакт, со избрана тема „Пријава на проблем во зградата“.
Што да наведете во пријавата
- Адреса на зградата и број на влез
- Каде е проблемот (кат, лифт, подрум, влез…)
- Краток опис на проблемот
- Ваш телефон за контакт
- По можност, фотографија (ако пишувате по е-пошта)
Што следува
Малите поправки ги врши нашиот куќен мајстор, чие доаѓање не се наплаќа дополнително. За поголеми дефекти на лифт, парно греење, водовод или електрични инсталации ангажираме лиценцирани фирми.
